السبت، 16 يونيو 2012

اهلا بك علي ارض الواقع

الكلام اللي جي دا مش يأس لكن محاولة مني للتفكير المنطقي
- الثورة المصرية فشلت بكل المقاييس لأن الثورة الناجحة لازم تحكم واحنا من يوم 11 فبراير 2011 ادينا للمجلس العسكري اللي هو اصلا جزء من نظام مبارك الوسخ انه يمسك الحكم وكأن الهبلة هاتجيب دكتور و تخيلنا كلنا ( وانا واحد من الناس دي) ان المجلس العسكري انحاز فعلا للثورة دي و انه موافق علي كل مطالبها لكن للاسف المجلس العسكري ركب الثورة و انحاز ليها عشان سبب واحد بس انه يلغي مشروع التوريث اللي مبارك و سوزان كانوا بيخططوا ليه من سنة 2000 تقريبا لما جمال رجع من لندن و ابتدي يظهر علي الساحة السياسية المصرية و معروف جدا انمصر منذ فجر التاريخ و هي بتدار بنظام التوريث حتي لو مش توريث الدم هايبقي توريث بالمؤسسة.
             بمعني ان اللي حكم مصر من الفراعنة لغاية دلوقتي لازم يكون وريث للي قبلهزي حكم الفراعنة او حكم اسرة محمد علي او بالمؤسسة زي حكم المماليك او حكم العسكر اللي مستمر في مصر من سنة 1952 لغاية دلوقتي.و حكم العسكر ممكن يسقط في حالة واحدة انه يحصل انشقاق في صفوف الجيش و الفصيل اللي انشق هو اللي يمسك الحكم بعد معارك اقل ما يقال عنها انها دموية و ارجع لتاريخ الثورات في العالم وانت تفهم.
- السؤال دلوقتي احنا نعمل ايه؟؟؟؟؟؟؟؟؟؟؟؟؟؟؟
الحل ان احنا للاسف هانرضي باي رئيس الانتخابات هاتجيبه سواء كان شفيق او مرسي و نحاول نكمل ضغط مش عشان اسقاط حكمه او رحيله لكن عشان يعمل شوية اصلاخات ترضي الحد الادني من طموحنا الثوري ولو اخنا خايفين من سيناريو رومانيا فخلينا يبقي عندنا امل ان احنا نوصل لسيناريو بولندا.
* بقول تاني دا مش يأس او تشائم لكن دا تحليلي الاهبل للاحداث و اللي عايز يقول اي نقض يتفضل بس من غير اباحة او تخوين.